Իրանի դեմ պատերազմում Թրամփի խնդիրների աճը․ զինամթերքի պակասից մինչև ուժերի հյուծում
Իրանի դեմ հնարավոր պատերազմի դեպքում Թրամփի վարչակազմը բախվում է զինամթերքի պակասի և ռազմական ուժերի հյուծման լուրջ խնդիրներին։
CNN լրատվական գործակալությունն, անդրադառնալով Իրանի դեմ պատերազմում Դոնալդ Թրամփի վարչակազմի աճող խնդիրներին, նշել է, որ Վաշինգտոնի կարևորագույն մարտահրավերներից են զինամթերքի պաշարների նվազումը, ամերիկյան ուժերի հյուծումը, «Աբրահամ Լինքոլն» ավիակրի անձնակազմի հոգեբանական խնդիրները, ինչպես նաև հանրապետականների շրջանում 2026 թվականի միջանկյալ ընտրություններում պատերազմի հնարավոր հետևանքների վերաբերյալ աճող մտահոգությունները։
Pars Today-ի հաղորդմամբ՝ Fars լրատվական գործակալությանը հղումով, CNN-ը հայտնել է, որ Իրանի պատերազմը չի ընթանում այնպես, ինչպես ակնկալում էր Թրամփը, և չնայած ԱՄՆ-ի լայնածավալ ռազմական հարձակումներին ու տնտեսական ճնշումներին՝ Իրանը չի համաձայնել Վաշինգտոնի պահանջներին։ Հեռուստաալիքը հավելել է, որ հակամարտության երկարաձգումը ԱՄՆ վարչակազմի համար խնդիրներ է ստեղծել, որոնք դուրս են մարտադաշտի և բանակցությունների սեղանի շրջանակներից։
Ամենակարևոր խնդիրներից մեկը ամերիկյան զինամթերքի պաշարների նվազումն է։ CNN-ի հաղորդմամբ՝ ԱՄՆ ԶՈւ շտաբների պետերի միացյալ կոմիտեի նախագահ, գեներալ Դեն Քեյնը, և մյուս ռազմական հրամանատարները դեռ պատերազմից առաջ նախազգուշացրել էին հակամարտության երկարաձգման և սպառազինության պաշարների նվազման հետևանքների մասին։ Թրամփն ակնկալում էր, որ պատերազմը կտևի մոտ չորսից վեց շաբաթ, սակայն այդ կանխատեսումը չիրականացավ։
CNN-ը նաև հայտնել է տարածաշրջանում գտնվող ամերիկյան ուժերի հյուծման և «Աբրահամ Լինքոլն» ավիակրի անձնակազմի հոգեբանական ու սոցիալական խնդիրների մասին։ Այս ավիակիրը նոյեմբերից գտնվում է առաքելության մեջ և ավելի քան 200 օր որևէ նավահանգստում կանգառ չի կատարել։
Միևնույն ժամանակ, աճել են նաև պատերազմի քաղաքական հետևանքների վերաբերյալ մտահոգությունները, և նույնիսկ Թրամփի որոշ դաշնակիցներ նախազգուշացրել են 2026 թվականի միջանկյալ ընտրություններում շարունակվող հակամարտության՝ հանրապետականների վրա հնարավոր ազդեցության մասին։