Իրանի առաջարկը՝ Արաքսի ավազանում քառակողմ կոնսորցիում ստեղծելու վերաբերյալ

Իրանի ջրային արդյունաբերության խոսնակը նշել է, որ Թեհրանն առաջարկել է Իրանի, Թուրքիայի, Հայաստանի և Ադրբեջանի միջև քառակողմ կոնսորցիում ստեղծել՝ Արաքսի ավազանի ջրային ռեսուրսների համապարփակ կառավարման նպատակով։

Ինչպես հաղորդում է Pars Today-ը՝ հղում անելով ILNA-ին, Իսա Բոզորգզադեն ասել է, որ Արաքսի ավազանում երկկողմ հարաբերությունները բարենպաստ են, սակայն բավարար չեն ջրային ռեսուրսների կայուն կառավարման համար։ Նա հավելել է, որ Իրանն առաջարկել է Արաքսի ջրահավաք ավազանի չորս երկրներին համատեղ հանդիպման ընթացքում ստեղծել ջրային ռեսուրսների կառավարման ավելի համապարփակ շրջանակ։ Բոզորգզադեն ընդգծել է, որ Թեհրանը կողմ է ցանկացած նախաձեռնության, որը կամրապնդի Արաքսի ավազանի երկրների ընդհանուր շահերն ու բարիդրացիական հարաբերությունները։