Նեթանյահուն փորձում է ԱՄՆ-ին ներքաշել Իրանի դեմ նոր պատերազմի մեջ
Տարածաշրջանային իրազեկ աղբյուրը պնդել է, որ Իսրայելի վարչապետ Բենիամին Նեթանյահուն ԱՄԷ կատարած վերջին այցի ընթացքում մի շարք արաբական երկրների պաշտոնյաների հետ քննարկել է անվտանգության ճգնաժամ ստեղծելու և այն Իրանին վերագրելու գործողության մշակումը։ Աղբյուրի խոսքով՝ այդ ծրագրի նպատակն է ԱՄՆ-ին ներքաշել Իրանի հետ ռազմական առճակատման նոր փուլի մեջ։
Tasnim գործակալության հաղորդմամբ՝ աղբյուրը պնդել է, որ Նեթանյահուն, Իսրայելի անվտանգության և ռազմական բարձրաստիճան մի շարք պաշտոնյաների ուղեկցությամբ, ԱՄԷ էր մեկնել այն դեպքից երեք օր առաջ, երբ ԱՄԷ-ից դեպի օկուպացված տարածքներ թռչող ինքնաթիռը վայրէջք էր կատարել Սաուդյան Արաբիայում, և, ըստ աղբյուրի, այդ այցի ընթացքում քննարկվել էր նաև այդ միջադեպը։
Աղբյուրը նշել է, որ Նեթանյահուի հիմնական շարժառիթը Իսրայելի ներքաղաքական իրավիճակն է, և, մտահոգված լինելով իր քաղաքական ապագայով, Նեթանյահուն փորձում է արտաքին ճգնաժամն օգտագործել իշխող կոալիցիայի դիրքերն ամրապնդելու համար։
Այս համատեքստում աղբյուրը պնդել է, որ Նեթանյահուն հույս ունի Թրամփի վարչակազմի վրա ունեցած ազդեցությունն օգտագործել՝ Իրանի դեմ լայնածավալ պատերազմին ԱՄՆ-ին կրկին ներքաշելու համար պայմաններ ստեղծելու նպատակով։
Այս պնդումները մինչ այժմ անկախ աղբյուրներով չեն հաստատվել։ Այնուամենայնիվ, նշված աղբյուրը շեշտել է, որ Իրանը ուշադիր հետևում է ԱՄՆ-ի և Իսրայելի գործողություններին, և Իրանի դեմ ցանկացած ռազմական կամ անվտանգության գործողության Թեհրանը կպատասխանի համապատասխան քայլերով։