Վրաստանի վարչապետը մեկնել է Թուրքիա

Վրաստանի վարչապետ Գեորգի Կվիրիկաշվիլին պաշտոնական այցով մեկնել է Թուրքիա:

Այս մասին, ինչպես հաղորդում է «Արմենպրես»-ը, հայտնում է «Գրուզիա օնլայն» լրատվական գործակալությունը:

Մեկօրյա այցի շրջանակում Գեորգի Կվիրիկաշվիլին հանդիպումներ կանցկացնի Թուրքիայի վարչապետ Բինալի Յըլդըրըմի, խորհրդարանի նախագահ Իսմայիլ Քահրամանի հետ:

Այցի շրջանակում տեղի կունենա բարձր մակարդակի ռազմավարական համագործակցության խորհրդի առաջին հանդիպումը, որի ավարտին Վրաստանի եւ Թուրքիայի կառավարությունների միջեւ կստորագրվեն համագործակցության մասին համաձայնագրեր: Հանդիպումից հետո Վրաստանի եւ Թուրքիայի վարչապետները հանդես կգան համատեղ հայտարարությամբ: