ԴԱԻՇ-ը պատրաստել է 1400 մահապարտ երեխայի. իրաքցի եզդիներ
ԴԱԻՇ ահաբեկչական խմբավորման գրոհայինները եզդի երեխաներից պատրաստել են ավելի քան 1400 մահապարտի՝ ահաբեկչությունների իրականացման համար։
Այս մասին հայտարարել է առևանգված Իրաքի եզդիների հարցերով վարչության պաշտոնյա Հուսեյն Կաիդին ԴԱԻՇ-ի կողմից Սինջարի տարածաշրջանի վերահսկման երկրորդ տարելիցին նվիրված մամլո ասուլիսի ժամանակ:
«Վերջին 2 տարում մեզ հաջողվել է ԴԱԻՇ-ի գերությունից ազատել 2640 առևանգված եզդիների»,- նրա խոսքերն է մեջբերում Al-Alam հեռուստաալիքը։ Նա նշել է, որ խմբավորման գերության մեջ է մնում 3770 առևանգված։
Նրա խոսքով՝ տարածաշրջանում հայտնաբերվել են ԴԱԻՇ-ի կողմից սպանված եզդիների 33 եղբայրական գերեզմաններ։
«ԴԱԻՇ-ն իր բազաներում մարզում է ավելի քան 1400 եզդի երեխայի՝ ահաբեկչությունների իրականացման համար, այդ թվում մահապարտների կիրառմամբ»,- հայտարարել է Կաիդին։