Վրաստանի վարչապետը շնորհակալություն Է հայտնել հատուկ ծառայություններին ահաբեկչական գործողությունը կանխելու համար

Վրաստանի վարչապետ Գեորգի Կվիրիկաշվիլին շնորհակալություն Է հայտնել Պետական անվտանգության ծառայությանը երկրի տարածքում ահաբեկչական գործողության փորձը կանխելու համար, տեղեկացնում Է «Արմենպրես»-ը:

Օգոստոսի 22-ին հայտնի Է դարձել Վրաստանի տարածքում անցնող գազամուղի պայթեցման փորձի մեղադրանքով յոթ մարդու ձերբակալման մասին, գազամուղ, որով Ռուսաստանից բնական գազ Է փոխադրվում Հայաստան:

«Պետական անվտանգության ծառայությունը շատ արդյունավետ գործեց: Ցանկանում եմ շնորհակալություն հայտնել բոլոր այն մարդկանց, ովքեր մասնակցել են այդ գործողությանը, քանի որ մենք խուսափեցինք մեծ ողբերգությունից: Շատ կարեւոր Է նման ժամանակին ու արդյունավետ միջոցառումների անցկացումը»,-ասել Է Կվիրիկաշվիլին լրագրողներին: 

Դրա հետ մեկտեղ կառավարության ղեկավարը ձեռնպահ Է մնացել մեկնաբանություններից մինչեւ հետաքննության ավարտը:  

«Կարելի Է ասել մի բան. ակներեւ Է, որ հաջողվեց խուսափել շատ մեծ սպառնալիքից»,-հավելել Է վարչապետը, հաղորդել Է Sputnik-ը:

armenpress.am