Պան Գի Մունը Բրազիլիայի նոր նախագահին մաղթել է ամենայն բարիք

ՄԱԿ-ի գլխավոր քարտուղար Պան Գի Մունը Բրազիլիայի նոր նախագահ Միշել Թեմերին մաղթել է ամենայն բարիք և վստահություն հայտնել ՄԱԿ-ի հետ երկրի հետագա համագործակցության հարցում։ Այս մասին փոխանցում է RIA Novosti-ն։

«Մինչ նախագահ Թեմերը սկսում է իր պաշտոնավարումը, գլխավոր քարտուղարը ցանկանում է նրան ամենայն բարիք։ Նա հավատում է, որ նախագահ Թեմերի առաջնորդության ժամանակ Բրազիլիան ու ՄԱԿ-ը կշարունակեն ավանդական սերտ գործընկերությունը»,-ասվում է համաշխարհային կազմակերպության մամլո ծառայության հաղորդագրությունում։

Միշել Թեմերը նախագահի պարտականությունները ստանձնել է Դիլմա Ռուսեֆի նկատմամբ իմփիչմենթի մասին սենատի որոշումից հետո։

1in.am