Աբեն հայտարարել է Կուրիլյան չորս կղզիները վերադարձնելու Ճապոնիայի մտադրության մասին
Սեպտեմբեր 28, 2016 13:37 Asia/Tehran
Ճապոնիայի կառավարությունը ամեն կերպ փորձում է հասնել Ռուսաստանի հետ երկխոսության զարգացմանը, որպեսզի Տոկիոյին վերադարձնի Հարավային Կուրիլների վիճարկվող չորս կղզիները:
Այս մասին հայտարարել է Ճապոնիայի վարչապետ Սինձո Աբեն, փոխանցում է «ՌԻԱ Նովոստի»-ն:
«Մենք որոշել ենք Ռուսաստանի հետ ակտիվ բանակցությունները շարունակել, որպեսզի ամենաընդգրկուն ասպարեզներում, այդ թվում՝ տնտեսության, հարաբերությունները զարգացնելու միջոցով լուծենք չորս կղզիների վերադարձի հարցը եւ խաղաղ համաձայնագիր կնքենք»,- ասել է նա:
Աբեի խոսքով՝ դեկտեմբերին սպասվող Ռուսաստանի նախագահ Վլադիմիր Պուտինի հետ հանդիպմանը ինքը մտադիր է այդ հարցերը քննարկել «խաղաղ մթնոլորտում» եւ առաջընթացի հասնել խաղաղ համաձայնագրի կնքման շուրջ բանակցություններում:
News.am
Պիտակ
