Գերմանացի պատգամավորն առաջարկել է զենք չվաճառել Թուրքիային

Գերմանիայի Կանաչների կուսակցության պատգամավոր Յուրգեն Տրիտինը, ով ՆԱՏՕ-ի Խորհրդարանական վեհաժողովի գլխավոր խորհրդի նիստին մասնակցելու նպատակով Ստամբուլում է, հայտարարել է Գերմանիայի կողմից Թուրքիային զենքի վաճառքը դադարեցնելու անհրաժեշտության մասին:

Ինչպես հաղորդում է «Արմենպրես»-ը, այս մասին տեղեկացնում է գերմանական Deutsche Welle-ն:

«Այժմ դեմ առ դեմ ենք ՆԱՏՕ-ի մի գործընկերոջ հետ, ով սկսել է անտեսել ժողովրդավարության հիմնարար իրավունքները»,- ասել է Տրիտինը` նշելով, որ անհրաժեշտ է Թուրքիային ռազմական տեխնիկա չմատակարարել: Պատգամավորի խոսքով` Թուրքիան այդ զենքերը կարող է օգտագործել իր ժողովրդի որոշ շրջանակների դեմ: 

orer.am