Չինաստանն ԱՄՆ հետ հարաբերություններում պատրաստվում է բեկման
ՉԺՀ ղեկավար Սի Ծինփինը հայտարարել է, որ ԱՄՆ-ում նախագահական ընտրություններից հետո Պեկինի և Վաշինգտոնի հարաբերությունների համար «բեկումնային պահ է», հայտնում է BBC-ն։
Օբամայի հետ վերջին հանդիպումից առաջ Չինաստանի ղեկավարը կողմ է արտահայտվել երկկողմ հարաբերություններն ԱՄՆ նոր վարչակազմի օրոք փոփոխությունների ենթարկելուն։
«Հույսով եմ, որ երկու կողմերը միասին կաշխատեն՝ կենտրոնանալով համագործակցության վրա՝ հաղթահարելու հակասությունները և ապահովելու հարաբերությունների փոփոխություն»,- ասել է Սի Ծինփինը։
Շաբաթվա սկզբին Սի Ծինփինի հետ ունեցած հեռախոսազրույցի ժամանակ ԱՄՆ նորընտիր նախագահ Դոնալդ Թրամփն ասել է, որ հավատում է Չինաստանի հետ սերտ համագործակցությանը։ Սի Ծինփինն, իր հերթին, ասել է, որ երկու երկրների համագործակցությունը միակ ճիշտ ընտրությունն է։
armedia.am/
