ՄԱԿ-ի ապաստանյալների գերագույն կոմիսարը քննադատել է Թուրքիային արտոնությունների տրամադրումը
Ապաստանյալների հարցերով ՄԱԿ-ի գերագույն կոմիսար Ֆիլիպո Գրանդին երկուշաբթի օրն ասել է. «Դեպի Եվրոպա փախստականների հոսքը կանխելու նպատակով Թուրքիային որոշ արտոնությունների տրամադրումը պատճառ է դարձել, որ որոշ երկրներ հանդես գան նման դիմումներով»:
ԻՌՆԱ-ի հաղորդման համաձայն, Գրանդին հավելել է. «Փախստականներին հյուրընկալող երկրներին հովանավորելը բնական հարց է, սակայն անտրամաբանական արտոնություններ շնորհելը սխալ նախադեպ է ստեղծում: Դա իր հերթին առաջացնում է ակնկալիքներ, որոնք միշտ չէ, որ իրականանալու են և կարող են պատճառ դառնալ, որ պետությունները բնակչության հետ կապված զարգացումները որպես ճնշման ու նունյնիսկ սպառնալիքի միջոց ծառայեցնեն»:
ԵՄ-ն այդ երկրում բնակված սիրիացի փախստականներին հովանավորելու համար երեք միլիարդ եվրո օժանդակություն է խոստացել Թուրքիային: Այդ կառույցը նաև խոստացել է արագացնել ԵՄ-ին Թուրքիայի անդամակցության և այդ երկրի քաղաքացիների համար վիզայի չեղարկման գործընթացը:
Անկարան փոխադարձաբար արգելել է փախստականների հոսքը դեպի Հունաստան, որը ԵՄ սահմաններ հասնելու համար գլխավոր անցուղին է համարվում:
