Օբաման մոտ ժամանակներս պատմական այց կկատարի Կուբա
Փետրվար 18, 2016 19:48 Asia/Tehran
ԱՄՆ-ի նախագահ Բարաք Օբաման առաջիկա շաբաթների ընթացքում Լատինական Ամերիկա կատարելիք այցի շրջանակում պատրաստվում է պատմական այց կատարել նաև Կուբա:
Ինչպես հայտնում է lenta.ru-ն, ենթադրաբար այցը կայանալու է մարտին: Քաջատեղյակ աղբյուրի փոխանցմամբ՝ Օբաման ասել է, որ կուզենար գնալ, եթե բարենպաստ պայմաններ լինեն։
Հիշեցնենք, որ անցած տարվա դեկտեմբերին Օբաման հայտնել էր, որ Հավանայի հետ դիվանագիտական հարաբերությունների վերականգնման շրջանակում կքննարկի Կուբա այցելելու հարցը:
Օբամայի խոսքով՝ ինքը կղզի- պետություն կմեկնի միայն այն դեպքում, եթե երկկողմ հարաբերություններում բավականաչափ առաջընթաց լինի ու իրեն հնարավորություն ընձեռնվի հանդիպել քաղաքական այլախոհների հետ։
Պիտակ
