ՄԱԿ-ը մտահոգություն է հայտնել եմենցի երեխաների թերսնման կապակցությամբ
ՄԱԿ-ի մանուկների հիմնադրամ՝ ՅՈՒՆԻՍԵՖ-ը մտահոգություն է հայտնել Եմենում թերսնումից տառապող երեխաների թվի աճի կապակցությամբ :
Իրանի ռադիո-հեռուստատեսության լրատվական գործակալության հաղորդման համաձայն, ՅՈՒՆԻՍԵՖ-ը երեքշաբթի օրը հայտարարել է, որ ավելի քան երկու միլիոն եմենցի երեխաներ տառապում են թերսնումից, որի պատճառն այդ երկրի հանրային առողջապահության վրա ազդած պատերազմն ու տնտեսական ճգնաժամն են:
Այս հաղորդման համաձայն, երկու միլիոն 200 հազար եմենցի երեխաներ տառապում են թերսնումից:
Թերսնումը Եմենում երեխաների մահացության գլխավոր պատճառներից է համարվում: Այդ երեխաների շուրջ 7 տոկոսը առողջապահության հետ կապված խնդիրների պատճառով նախքան 5 տարեկան դառնալը մահանում է:
Սաուդյան ռեժիմն ԱՄՆ-ի պաշտպանությամբ 2015 թվականի մարտից հարձակումներ է սկսել Եմենի դեմ:
Այս հարձակումների ընթացքում զոհվել ու վիրավորվել են տասնյակ հազարավոր եմենցիներ:
