Հյուսիսկորեական հրթիռի արձակումը Ճապոնիայում համարում են պրովոկացիա երկրի և տարածաշրջանի դեմ

Հյուսիսկորեական հրթիռի արձակումը Ճապոնիայի և ԱՄՆ-ի ղեկավարների միջև գագաթնաժողովից անմիջապես հետո Տոկիոն դիտարկում է որպես «պրովոկացիոն գործողություններ՝ ուղղված երկրի և տարածաշրջանի դեմ»: Այս մասին հայտնում է «Կիոդո» գործակալությունը՝ վկայակոչելով Ճապոնիայի կառավարության գլխավոր քարտուղար Յոսիհիդե Սուգիի հայտարարությունը:

«Դա պրովոկացիոն գործողություն է մեր երկրի (Ճապոնիայի) և տարածաշրջանի դեմ»,- ասել է Սուգին:

Ավելի վաղ Ճապոնիայի ԱԳՆ ղեկավար Ֆումիո Կիսիդան հայտարարել է, որ Հյուսիսային Կորեայում հրթիռի արձակումը ՄԱԿ ԱԽ բանաձևի խախտում է և Ճապոնիայի իշխանություններն աշխատում են, որպեսզի ՄԱԿ ԱԽ-ն «ծանրակշիռ հաղորդագրություն» ուղղի Փխենյանին պրովոկացիոն գործողություններից հետո:

Ճապոնիայի կառավարությունը բողոք է ներկայացրել Հյուսիսային Կորեային հրթիռի արձակման հետ կապված: Իսկ Ճապոնիայի պաշտպանության նախարար Տոմոմի Ինադան ընդգծել է, որ գերատեսչությունը տեղեկություններ է հավաքում և ուշադիր հետևում է իրավիճակին հյուսիսկորեական հրթիռի արձակումից հետո: Հրթիռի արձակումից հետո Տոկիոյում Ճապոնիայի Ազգային անվտանգության խորհրդի արտահերթ նիստ է անցկացվել:

Ավելի վաղ Ռենհափ» գործակալությունը, հղում անելով Հարավային Կորեայի Զինված ուժերի շտաբերի ղեկավարների միավորված կոմիտեին, հայտնեց, որ Հյուսիսային Կորեան կիրակի բալիստիկ հրթիռ է արձակել Ճապոնական ծովի ուղղությամբ: Հրթիռն արձակվել է Հյուսիսային Կորեայի Փհյոնան-Պուկտո նահանգի տիեզերակայանից տեղի ժամանակով 07.55-ին (մեր ժամանակով՝ 02.55):

1in.am/