Ճապոնիան պաշտոնական բողոք է հղել Ռուսաստանին

Կուրիլյան շղթայի անմարդաբնակ 5 կղզիների անվանումների փոփոխության պատճառով Ճապոնիան բողոք է հայտնել Ռուսաստանին,-հղում անելով Kyodo գործակալությանը, հաղորդում է «Ինտերֆաքսը»:

«Այդ որոշումը հակասում է մեր դիրքորոշմանը, մենք այդ առիթով ափսոսանք ենք հայտնում: Ճապոնիան դիվանագիտական ուղիներով պաշտոնական բողոք է հղել»,-հայտնել է Ճապոնիայի կառավարության գլխավոր քարտուղար Յոսիհիդե Սուգան:

Միեւնույն ժամանակ, նա նշել է, որ կղզիների անվանափոխության փաստը չի ազդի ռուս-ճապոնական հարաբերությունների եւ երկու երկրների միջեւ ընթացող բանակցությունների վրա: «Ճապոնիան հավատարիմ է բանակցային գործընթացը շարունակելու իր հանձնառությանը»,-ասել է Սուգան:

Նշենք, որ Կուրիլյան շղթայի 5 կղզիներն անվանակոչվել են խորհրդային զորահրամանատարների եւ պետական գործիչների անուններով:

Ճապոնիան հավակնություններ ունի Կուրիլյան 4 հարավային կղզիների՝ Իտուրուպի, Կունաշիրի, Շիտոկանի եւ Հաբոմայիի  նկատմամբ:

Մոսկվայի դիրքորոշումը կայանում է նրանում, որ տվյալ կղզիները ԽՍՀՄ-ի կազմի մեջ են ընդգրկվել 2-րդ համաշխարհային պատերազմի ժամանակ, եւ Ռուսաստանի տիրապետությունը, որը միջազգային իրավական հաստատում ունի, կասկածի ենթակա չէ:

galatv.am/