Չինաստանի բանկային համակարգը ակտիվներով գերազանցել է եվրոգոտուն` դառնալով խոշորագույնն աշխարհում

Չինաստանի բանկային համակարգը գերազանցել է եվրոգոտուն` դառնալով խոշորագույնն աշխարհում` ըստ ակտիվների, ինչը խոսում է համաշխարհային ֆինանսական ոլորտում երկրի խոշորագույն ազդեցության և համաշխարհային ճգնաժամից հետո երկրի գրանցած ֆինանսական աճի մասին:

Ինչպես ընդգծում է Financial Times-ը, Չինաստանի ՀՆԱ-ն ԵՄ-ի տնտեսական կառույցի ցուցանիշը գերազանցել էր դեռևս 2011-ին, սակայն երկրի բանկային համակարգը առաջատար դիրքի չէր հասել նախքան 2016-ի ավարտը:

Այս արդյունքին հաջողվել է հասնել բանկային վարկավորումների յուրատեսակ համակարգի ներդրմամբ, երբ 2008-ին կառավարությունը սանձազերծեց խիստ դրամավարկային և հարկաբյուջետային ծրագրեր` մեղմացնելու համաշխարհային ֆինանսական ճգնաժամի ազդեցությունը:

Չինական բանկի ակտիվները 2016-ի ավարտին հասել են 33 տրիլիոն դոլարի` եվրոգոտու 31 տրիլիոն դոլարի, ԱՄՆ-ի 16 տրիլիոն դոլարի և Ճապոնիայի 7 տրիլիոն դոլարի դիմաց:

Tert.am