Էրդողանը նացիստական է բնութագրել Գերմանիայի որդեգրած կողմնորոշումը
Թուրքիայի նախագահը նացիստական է բնութագրել Թուրքիայի սահմանադրական բարեփոխումների հանրաքվեի կապակցությամբ իր կողմնակիցների քարոզչական հավաքների հանդեպ Գերմանիայի կառավարության վերաբերմունքը:
Իրանի ռադիո-հեռուստատեսության լրատվական գործակալության հաղորդման համաձայն` Ռեջեբ Թայեբ Էրդողանը կիրակի օրը Ստամբուլում ասել է. «Թուրքիայի տեսակետից Գերմանիայի կառավարության ցուցաբերած վերաբերմունքը որևէ տարբերություն չունի նացիստների մոտեցումներից ու սխալ է եղել այն պատկերացումը, թե այդ երկիրը հրաժարվել է նացիստական կողմնորոոշումներից»:
«Գերմանիայի կառավարությունն այն պայմաններում է այլ երկրներին ժողովրդավարության դասեր տալիս, երբ ինքը զուրկ է ժողովրդավարությունից»,-հավելել է Էրդողանը:
Անկարա-Բեռլին հարաբերությունները լարվեցին նրանից հետո, երբ Գերմանիայի տեղական իշխանությունները չեղարկեցին Գագենաու քաղաքում Թուրքիայի սահմանադրական բարեփոխումների հանրաքվեի օգտին Թուրքիայի արդարադատության նախարար Բեքեր Բուզդաղի մասնակցությամբ քարոզչական հանրահավաքի թույլտվությունը:
Գերմանիայի կանցլեր Անգելա Մերկելը հայտարարել է, որ այդ երկրում հանրավաքները թույլատրում են տեղական իշխանությունները և դրանք որևէ առնչություն չունեն դաշնային կառավարության հետ:
