Թրամփը Եմենի դեմ ռազմական հարձակումներն ընդլայնելու հրաման է արձակել
Ամերիկյան ԶԼՄ-ները բացահայտել են, որ ԱՄՆ նախագահը Եմենի դեմ ռազմական հարձակումների ընդլայնման համար առավել լիազորություններ է փոխանցել Պենտագոնին:
Համաձայն «Սքայ Նյուզ» հեռուստակայանի հաղորդման, ԱՄՆ-ի լրատվական աղբյուրները բացահայտել են, որ Դոնալդ Թրամփը Եմենում հարձակումների ընդլայնման համար լայն լիազորություններ է փոխանցել պաշտպանության նախարարությանը: ԶԼՄ-ները գրել են, որ Թրամփը նաև քննարկում է Եմենի օրինակով Լիբիայում ու Սումալիում գործողություններ իրականացնելու հնարավորությունը:
Սա ի տես այն բանի, որ «Ուոլսթրիթ Ժուռնալ» օրաթերթը հաղորդել է, որ Թրամփն ԱՄՆ-ի Կենտրոնական հետախուզության վարչություն՝ CIA-ին թույլատրել է արտասահմանյան երկրներում ու հատկապես Սիրիայում անօդաչու թռչող սարքերի միջոցով հարձակումներ իրականացնել:
CIA-ն ավելի վաղ անօդաչու թռչող անզեն սարքերից օգտվում էր հետախուզական թռիչքներ իրականացնելու և տեղեկություններ հավաքելու համար, մինչդեռ «Ուոլսթրիթ Ժուռնալ»-ի հաղորդման համաձայն, Թրամփը ռազմական նոր առաքելություն է վստահել CIA-ին:
