Հյուսիսային Կորեան հերքել է կիբեր հարձակումներին իր մասնակցության վերաբերյալ հայտարարությունները
ՄԱԿ-ում Հյուսիսային Կորեայի ներկայացուցչի տեղակալն ուրբաթ օրը ծիծաղելի է համարել վերջին օրերին աշխարհում իրականացված կիբեր հարձակումներն այդ երկրին վերագրվելը:
Իրանի ռադիո-հեռուստատեսության լրատվական գործակալության հաղորդման համաձայն, ՄԱԿ-ում Հյուսիսային Կորեայի ներկայացուչի տեղակալ Կիմ Ին Ռիունգն ասել է, որ «WannaCry» անունով հայտնի վիրուսի օգնությամբ իրականացված վերջին կիբեր հարձակումների վերագրումն իր երկրին, ծիծաղելի է:
«Ծիծաղելի է այն հանգամանքը, որ ամեն անգամ երբ աշխարհում որևէ տարօրինակ դեպք է պատահում, ամերիկացիները ըստ սովորության մեծ աղմուկ բարձրացնելով արշավ են սկսում Հյուսիսային Կորեայի դեմ»,-հավելել է Կիմ Ին Ռիունգը:
Ավելի վաղ, փորձագետները հայտարարել էին, թե «WannaCry» կոչվող վիրուսի տարբերակի կոդի մի բաժինը համակարգիչները կոտրելու համար Հյուսիսային Կորեայից ղեկավարված գործողություն է եղել:
Անցած ուրբաթ օրն աշխարհում հարյուր հազարավոր համակարգիչներ կիբերային հարձակման թիրախ դարձան: