Հյուսիսային Կորեայում փորձարկված հրթիռները պատրաստ են ռազմական օգտագործման համար
Հյուսիսային Կորեայի պետական լրատվական գործակալությունը հաստատելով այդ երկրի կողմից միջին հեռահարությամբ բալիստիկ հրթիռի փորձարկման լուրը հայտարարեց, որ այս սպառազինական համակարգը պատրաստ է տեղակայման ու ռազմական օգտագործման համար:
Հյուսիսային Կորեայի պետական լրատվական գործակալությունը երկուշաբթի օրը հայտարարեց, որ փորձարկված հրթիռը «Փոքոք Սանգ 2» տեսակի է, որ աշխատում է կարծր վառելիքով և կարող է անմիջապես արձակվել:
Հաղորդման համաձայն հիշյալ հրթիռը թիրախը դիպուկ հարվածելու բարձր կարողություն ունի:
Հյուսիսային Կորեան կիրակի օրը բալիստիկ հրթիռ արձակեց Ճապոնիայի ծովի ուղղությամբ:
Հրթիռային փորձարկումից հետո ՄԱԿ-ը հայտարարեց, որ հարցը քննարկելու համար արտահերթ նիստ է գումարելու:
Փխենյանը բազմիցս ընդգծել է, որ քանի դեռ ԱՄՆ-ն ու նրա դաշնակիցները կշարունակեն Հյուսիսային Կորեայի դեմ սպառնալիքներն, այդ երկիրն իր հերթին շարունակելու է իր ռազմական հզորության և նախաձեռնող հարձակման դիմելու կարողության ընդլայնումը: