Բրիտանացի բողոքարարները ներխուժել են Լոնդոնի քաղաքապետարանի շենք
Մի խումբ բրիտանացի բողոքարարներ ներխուժել են Լոնդոնի արևմուտքում գտնվող Քեզինգթոն և Չելսի տարածքների քաղաքապետարանի շենքը:
Իրանի ռադիո-հեռուստատեսության լրատվական գործակալության հաղորդման համաձայն` ուրբաթ երեկոյան «Մենք արդարություն ենք պահանջում» կարգախոսը վանկարկելով, բողոքարարները ներխուժել են Լոնդոնի քաղաքապետարանի շենք, սակայն հանդիպելով ոստիկանների ընդդիմությանը չեն կարողացել մուտք գործել շենքի գլխավոր հարկերը:
Բողոքի ցույցը տեղի է ունեցել քաղաքի «Գրինֆել» բնակելի աշտարակում հրդեհի բռնկումից հետո:
Համաձայն հաղորդումների` «Գրինֆել»-ի աշտարակում հրդեհը մինչ այժմ առնվազն 70 զոհ է խլել:
Չորեքշաբթի առավոտյան անհայտ պատճառներով Լոնդոնի արևմուտքում գտնվող «Գրինֆել» բնակելի համալիրում հրդեհ բռնկվեց: Հարկ է նշել , որ աշտարակի բնակիչների մեծամասնությունը մուսուլմաններ են:
Բրիտանիայի մայրաքաղաքի ոստիկանության ուժերի հայտարարության համաձայն, դեպքն ահաբեկչական բնույթի համարելու համար որևէ ապացույց գոյություն չունի:
