Կուբան պատրաստ է դիմագրավել Սպիտակ տան առաջացրած լարվածությանը
ՄԱԿ-ում Կուբայի ներկայացուցչության անդամը հայտարարել է, որ իր երկիրը պատրաստ է դիմագրավել Սպիտակ տան լարվածություն առաջացնող քաղաքականությանը:
Անա Սիլվիա Ռոդրիգեզն ասել է․«Կուբայի դեմ ԱՄՆ-ի նախագահ Դոնալդ Թրամփի քաղաքականությունը ձախողման է դատապարտված»:
Նա նշել է, որ Կուբայի ժողովուրդը չի ենթարկվելու ԱՄՆ-ի կամայականություններին:
Ուրբաթ օրը՝ հունիսի 16-ին, Դոնալդ Թրամփը հայտարարել է, որ ամբողջապես չեղարկում է նախկին նախագահ Բարաք Օբամայի օրոք ձևավորված Կուբայի հետ հարաբերությունների բարելավման նախագիծը:
Սպիտակ տունը հայտարարել է, որ առաջիկայում փոփոխություններ կլինեն ԱՄՆ-Կուբա հարաբերություններում:
Ամերիկացի հանրապետական և դեմոկրատական օրենսդիրները քննադատել են Թրամփի քաղաքականությունը Կուբայի դեմ: