Աշխարհում կան միլիոնավոր փախստականներ
ՄԱԿ-ի փախստականների հարցերով գերագույն հանձնակատարի գրասենյակի հաղորդմամբ՝ մինչև 2016 թվականի վերջերը աշխարհում 65 միլիոն 600 հազար հոգի հայտնվել են փախստականի կարգավիճակում:
Ըստ «Ֆրանս Պրես» գործակալության հաղորդման՝ ՄԱԿ-ի փախստականների հարցերով գերագույն հանձնակատարի գրասենյակը երկուշաբթի օրը հայտարարել է, որ ճգնաժամում հայտնված երկրներում, ինչպես օրինակ՝ Հարավային Սուդանում պատերազմի ու բռնության հետևանքով ահռելի թվով մարդիկ անօթևան են դարձել:
Հաղորդագրությունում նշված է, որ 2015 թվականից ի վեր 300 հազար հոգի անօթևան են դարձել:
ՄԱԿ-ի փախստականների հարցերով գերագույն հանձնակատարի գրասենյակի ղեկավար Ֆիլիպո Գրանդին հայտարարել է, որ սա փախստականների վիճակագրական ամենաբարձր թիվն է համարվում:
Գրանդին ավելացրել է.«Այս աննախադեպ աճը ցույց է տալիս, որ մինչև 2016 թվականի վերջը, աշխարհում անօթևան է դարձել յուրաքանչյուր 113-րդ մարդը: Փախստականների կեսը չեն բոլորել 18 տարեկանը»:
