Երեք հազար իտալացիներ դիտել են Իրանի սիմֆոնիկ նվագախմբի ելույթը
Իտալիայի մայրաքաղաք Հռոմում մեծ գովեստների են արժանացել Թեհրանի սիմֆոնիկ նվագախմբի կատարումները:
Շաբաթ երեկոյան, ավելի քան երեք հազար իտալացիներ Հռոմի Մաորո Դե Անդրեայի դահլիճում մասնակցել են Թեհրանի և Իտալիայի Ռավեննայի սիմֆոնիկ նվագախմբերի ելույթին և բուռն ծափահարել են իրանցի արվեստագետներին:
Սա երկու երկրի նվագախմբերի երկրորդ կատարումն էր:
Երկու խմբերի առաջին համերգը կայացել է անցյալ շաբաթ, Թեհրանում իտալացի հանրահայտ խմբավար՝ Ռիկարդո Մոթիի ղեկավարությամբ:
Համերգը սկսվել է երկու երկրի ազգային հիմների կատարմամբ: Իրանի ազգային հիմնի շքեղ կատարումը մեծ ոգևորվածություն առաջացրեց իտալացի հանդիսատեսի մոտ:
Հռոմում Իրանի մշակութային կցորդի գրասենյակն անցյալ ամիսների ընթացքում կազմակերպել է Թեհրանում և Ռավեննայում մշակութային այս կարևոր իրադարձությունները:
Միջոցառմանը ներկա իտալացիները համերգի ավարտին ավելի քան 10 րոպե ծափահարել են իրանցի ու իտալացի արվեստագետներին:
