Պեկինին անհանգստացնում է լրացուցիչ THAAD ՀՀՊ տեղակայելու Սեուլի որոշումը
Հուլիս 29, 2017 14:02 Asia/Tehran
Չինաստանի արտաքին գործերի նախարարությունը լուրջ անհանգստություն է հայտնել՝ կապված լրացուցիչ THAAD ՀՀՊ համակարգեր տեղակայելու Հարավային Կորեայի որոշման հետ, փոխանցում է Reuters-ը։
Չինաստանի ԱԳՆ-ի հայտարարության համաձայն՝ THAAD-ի չորս լրացուցիչ ստորաբաժանումների տեղակայումը չի լուծի Հարավային Կորեայի անվտանգության խնդիրը, այլ միայն կբարդացնի իրադրությունը։ Պեկինը Սեուլին կոչ է արել դուրս բերել այդ համակարգը երկրի տարածքից։
ԿԺԴՀ-ի՝ հերթական միջմայրցամաքային բալիստիկ հրթիռի փորձարկումից հետո Սեուլը հայտարարեց Վաշինգտոնի հետ բանակցություններ սկսելու մտադրության մասին՝ լրացուցիչ THAAD համակարգեր տեղակայելու շուրջ։
Պիտակ