Փհենյանը հրաժարվել է Սեուլի հետ բանակցություններից
Օգոստոս 07, 2017 10:32 Asia/Tehran
ԿԺԴՀ-ի ԱԳՆ ղեկավար Լի Յոն Հոն մերժել է իր հարավկորեացի գործընկերոջ՝ Կան Գյոն Հվայի՝ երկու երկրների միջեւ հարաբերությունները հարթելու նախաձեռնությանը դրական պատասխանելու առաջարկը, փոխանցում է BBC-ն։
Երկու նախարարների կարճատեւ հանդիպումը տեղի է ունեցել Մանիլայում՝ Հարավ-արեւելյան Ասիայի պետությունների ասոցացիայի ֆորումի շրջանակում։
Սեուլի նախաձեռնությունը հյուսիսկորեացի նախարարը մերժել է, քանի որ ըստ նրա՝ «հարավային հարեւանն անկեղծ չէր»։
«Իրադրությունում, երբ Հարավը Հյուսիսի վրա ճնշում գործադրելու նպատակով ԱՄՆ-ի հետ է համագործակցում, նման առաջարկություններն անկեղծ չեն երեւում»,-ասել է նախարարը։
News.am