Պուտին․ Ռուսաստանը մտադիր է այսուհետ էլ երաշխավորել Աբխազիայի անվտանգությունն ու անկախությունը
Օգոստոս 09, 2017 05:29 Asia/Tehran
Ռուսաստանը մտադիր է այսուհետ էլ երաշխավորել Աբխազիայի անվտանգությունն ու անկախությունը։
Այս մասին հայտնել է Ռուսաստանի նախագահ Վլադիմիր Պուտինը՝ Աբխազիայի նախագահ Ռաուլ Հաջիմբայի հետ հանդիպման ժամանակ, փոխանցում է «Ինտերֆաքսը»։
«Մենք խոսելու շատ թեմաներ ունենք, բայց գլխավորն այն է, որ մենք Աբխազիայի հետ առանձնահատուկ հարաբերություններ ունենք։ Մենք հուսալիորեն երաշխավորում ենք Աբխազիայի անվտանգությունն ու ինքնուրույնությունը, անկախությունը։ Վստահ եմ, որ այդպես է լինելու նաեւ այսուհետ»,- ասել է Ռուսաստանի նախագահը։
Պուտինը նշել է, որ անհրաժեշտ է գտնել Աբխազիայի տնտեսության զարգացման լավագույն տարբերակները՝ նոր աշխատատեղեր ստեղծելու համար, հավելելով, որ այդ հարցը քննարկվելու է Հաջիմբայի հետ։
News.am
Պիտակ
