ԱՄՆ-ի ժողովուրդը կասկածում է,որ Թրամփը կկարողանա կարգավորել Հյուսիսային Կորեայի ճգնաժամը
Վերջերս անցկացված սոցհարցումների արդյունքների համաձայն՝ ամերիկացիները կասկածում են, որ նախագահ Դոնալդ Թրամփը կկարողանա կարգավորել Հյուսիսային Կորեայի ճգնաժամը:
Ինչպես հաղորդում է CNN հեռուստաալիքը, «CBS» հեռուստատեսային ցանցի անցկացրած սոցհարցման արդյունքների համաձայն՝ ամերիկացիների 72 տոկոսը մտահոգ է Հյուսիսային Կորեայի և ԱՄՆ-ի միջև բախումներ ծագելու կապակցությամբ Դա այն դեպքում, երբ ամերիկացիների ընդամենը 25 տոկոսն է վստահություն հայտնել, որ այդ հարցը կլուծվի առանց որևէ բախում ծագելու:
Ի դեպ դեմոկրատների 79 և հանրապետականների 68 տոկոսը իրենց մտահոգությունն են հայտնել Հյուսիսային Կորեայի և ԱՄՆ-ի միջև բախումներ ծագելու հավանականության կապակցությամբ:
Ըստ հաղորդման , ամերիկացիների միայն 35 տոկոսն է համոզված, որ Դոնալդ Թրամփը կարող է լուծել Հյուսիսային Կորեայի միջուկային հարցը:
Ամերիկյան լրատվամիջոցներն այն դեպքում են վերջերս Դոնալդ Թրամփի կարողության ու նրա վարկանիշի վերաբերյալ սոցհարցում անցկացրել,երբ Հյուսիսային Կորեան կոշտ հակազդեցություն է ցուցաբերել Վաշինգտոնի գլխավորությամբ ՄԱԿ-ի Անվտանգության խորհրդի սահմանած նոր պատժամիջոցների նկատմամբ: