«Բժիշկներ առանց սահմանների» կազմակերպությունը դադարեցրել է միգրանտների փրկության առաքելությունը
«Բժիշկներ առանց սահմանների» (MSF) միջազգային կազմակերպությունը հայտարարել է Միջերկրական ծովում միգրանտների փրկությանն ուղղված գործունեությունը դադարեցնելու մասին՝ լիբիական առափնյա ծառայության սպառնալից գործողությունների եւ իտալական կառավարության կողմից ստեղծած խոչընդոտների պատճառով, հաղորդում է Reuters-ը:
«Մենք դադարեցնում ենք մեր գործունեությունը, քանի որ լուրջ սպառնալիք ենք զգում լիբիական առափնյա ծառայության կողմից... Մենք չենք կարող վտանգի ենթարկել մեր աշխատակիցներին»,- հայտարարել է կազմակերպության իտալական բաժանմունքի նախագահ Լորիս դե Ֆիլիպին:
Նրա խոսքով՝ լիբիական առափնյա ծառայությունը ոչ կառավարական կազմակերպություններից պահանջել է երկրի ափամերձ շրջանից մի քանի հարյուր կիլոմետր հեռանալ: Անցյալ տարի էլ ծառայության ներկայացուցիչները 13 անգամ կրակել են MSF-ի նավի ուղղությամբ:
News.am
