Չինաստանը զգուշացրել է ԱՄՆ-ին` թշնամական քայլերի կապակցությամբ
Չինաստանի բանակի կենտրոնական հանձնաժողովի տեղակալը հայտարարել է, որ Թայվանի նկատմամբ ԱՄՆ-ի սխալ քայլերը, Հարավչինական ծովում պարեկություն կատարելը և Հարավային Կորեայում ԹԱԴ հրթիռային համակարգի տեղադրելը, բացասաբար են ազդել Պեկին-Վաշինգտոն փոխվստահության վրա:
«ԻՌՆԱ» լրատվական գործակալության հաղորդման համաձայն, հինգշաբթի օրը, Պեկինում ԱՄՆ-ի բանակի համատեղ շտաբի պետ Ջոզեֆ Դանֆորդի հետ հանդիպման ժամանակ, Չինաստանի բանակի կենտրոնական հանձնաժողովի տեղակալ Ֆան Չանգլոնգն ասել է.«Թայվանի նկատմամբ ԱՄՆ-ի սխալ գործողությունները, Չինաստանի շրջակայքում ԹԱԴ հրթիռային համակարգի տեղակայումը, Հարավչինական ծովում ԱՄՆ-ի ռազմանավերի ու հակաօդային պաշտպանության ուժերի գործողությունները և Չինաստանի շրջակայքում ծովում ու երկնքում Վաշինգտոնի պարեկային գործողությունները, շատ վատ են ազդել երկկողմ ռազմական հարաբերությունների և փոխվստահության վրա»:
Ամերիկյան «Լաքհիդ Մարթին» ընկերության կողմից նախագծված ու արտադրված ԹԱԴ հակաբալիստիկ հրթիռային համակարգը կարող է հետախուզել և թիրախ դարձնել երկու հազար կիլոմետր հեռավորության վրա գտնվող թիրախները:
Մոսկվան ու Պեկինը բազմիցս ընդգծել են, որ ԹԱԴ համակարգի հեռահարությունը գերազանցում է Հարավային Կորեայի սահմանները և ԱՄՆ-ին ու Հարավային Կորեային հնարավորություն է ընձեռում տեղեկություններ քաղել չինական ու ռուսական հրթիռներից և կապ հաստատել ճապոնիայում ԱՄՆ-ի պաշտպանական համակարգի հետ:
