Շվեյցարիայում եվրոպացի դեսպանները պաշտպանել են ՀԳՀԾ-ն
Շվեյցարիայի Ցյուրիխ քաղաքում ընթացող Իրան-Եվրոպա Ֆորումի նիստում հինգ եվրոպական երկրների պաշտոնատարներն ընդգծել են ՀԳՀԾ-ն որպես միջազգային համաձայնություն պահպանելու և Իրանի իսլամական հանրապետության հետ համագործակցության ոլորտներն ընդլայնելու անհրաժեշտությունը:
Ինչպես հաղորդում է ԻՌՆԱ լրատվական գործակալությունը, Իրանում Բրիտանիայի, Բելգիայի, Դանիայի , Լեհաստանի և Նիդերլանդների դեսպանները չորեքշաբթի օրը Ցյուրիխում Իրան-Եվրոպա ֆորումի նիստում Համատեղ գործողությունների համապարփակ ծրագիրը համարել են միջազգային կարևոր համաձայնություն: Նրանք ընդգծել են, որ բոլոր կողմերը պետք է շարունակեն իրագործել ՀԳՀԾ-ն:
Իրանում Բրիտանիայի դեսպան Նիկոլաս Հոպտոնը Իրան-Եվրոպա Ֆորումի նիստում ասել է.«Լոնդոնը հանձնառու է մնում ՀԳՀԾ-ի իրագործմանը և կշարունակի իր խորհրդակցությունները միջազգային գործարքի և դրա պահպանման անհրաժեշտության վերաբերյալ»:
