ՄԱԿ-ը մտահագություն է հայտնել Մյանմայում տիրող իրավիճակի կապակցությամբ
ՄԱԿ-ը մտահագություն է հայտնել Մյանմայում տիրող հումանիտար իրավիճակի կապակցությամբ:
Ինչպես հաղորդել է CNN հեռուստաընկերությունը, ՄԱԿ-ը մտահագություն է հայտնել Մյանմայում տիրող հումանիտար իրավիճակի կապակցությամբ: ՄԱԿ-ի հայտարարությամբ ՝ օգոստոսից ի վեր ավելի քան 630 հազար ռոհինգյա մուսուլմաններ, Մյանմայի հյուսիսային Ռախինից Բանգլադեշ են փախել:
ՄԱԿ-ի տվյալներով, խաղաղ բնակիչների նկատմամբ Մյանմայի բանակի վերաբերմունքը էթնիկ զտում է համարվում: Դա այն դեպքում, երբ փախստականները նույնիսկ Բանգլադեշում իրենց ապահով չեն զգում:
ՅՈՒՆԻՍԵՖ-ի հայտարարությամբ, շուրջ 340 հազար ռոհինգյա երեխաներ, որոնք Բանգլադեշ են տարվել, գտնվում են ծանր վիճակում և ապրում են վտանգավոր պայմաններում:
Այս շաբաթվա ընթացքում, ռոհինգյա 10 հազար փախստականներ Բանգլադեշ են մեկնել, որոնցից ավելի քան հինգ հազարը երեխաներ են:
