Լավրովն ու Զարիֆը Սիրիայի զարգացումների հարցով հեռախոսազրույց են ունեցել
Ռուսաստանի ԱԳ նախարարությունը տեղեկացրել է այդ երկրի ԱԳ նախարար Սերգեյ Լավրովի և ԻԻՀ ԱԳ նախարար Մոհամմեդ Ջավադ Զարիֆի հեռախոսազրույցի մասին, որի առանցքում է եղել Սիրիայում տիրող իրավիճակը:
«Մեհր» լրատվական գործակալության հաղորդման համաձայն՝ Ռուսաստանի ԱԳ նախարարությունը երկուշաբթի օրը մի հաղորդագրությամբ հայտարարել է, որ Լավրովը Աստանայի բանակցություններում առաջընթաց արձանագրելու համար հետագա քայլերի շուրջ Մոհամմեդ Ջավադ Զարիֆի հետ հեռախոսային խորհրդակցություն է կատարել:
Լավրովը Սիրիայի վերջին զարգացումների հարցով երկուշաբթի օրը հեռախոսազրույց է ունեցել նաև Թուրքիայի ԱԳ նախարար Մևլութ Չավուշօղլուի հետ:
Մինչ այսօր Սիրիայի կառավարության, համապարփակ հրադադարի համաձայնագիրը ընդունած զինված ընդդիմության և Սիրիայում խաղաղության երաշխավորներ՝ Իրանի, Ռուսաստանի և Թուրքիայի պատվիրակությունների մասնակցությամբ, վեց շրջան բանակցություններ են կայացել Աստանայում:
Աստանայի բանակցությունների 7-րդ շրջանը մեկնարկեց երեկ և շարունակվելու է այսօր:
Բանակցությունների գլխավոր ձեռքբերումը եղել է Սիրիայում լարվածության մեղմացման տարածքների ստեղծումը:
Բանակցությունները, որոնց նպատակն է Սիրիայում խաղաղության հաստատումը, կայացել են ԻԻՀ-ի նախաձեռնությամբ և Ռուսաստանի ու Թուրքիայի համագործակցությամբ:
