Լավրով. Սիրիայում քիմիական սպառազինության քննիչների աշխատանքը չպետք է քաղաքականացվի
Հինգշաբթի օրը, ԱՄՆ պետքարտուղար Ռեքս Թիլերսոնի հետ հեռախոսազրույցի ժամանակ, Ռուսաստանի ԱԳ նախարար Սերգեյ Լավրովն ասել է. «Սիրիայում քիմիական սպառազինության քննիչների աշխատանքի քաղաքականցվելն անընդունելի է»:
ԻՌՆԱ-ի հաղորդման համաձայն`Սերգեյ Լավրովն այս հեռախոսազրույցի ժամանակ նշելէ, որ պետք է հզորացնել Սիրիայում քաղաքական լուծման հանգելու կապակցությամբ միջազգային հովանավորությունն ու այդ երկրի ազգային ինքնիշխանության հանդեպ հարգանքը: Նա հավելել է. «Սիրիայում քիմիական սպառազինության օգտագործման կապակցությամբ հետաքննություններին չպետք է քաղաքական երանգ տրվի»:
Քիմիական սպառազինության արգելման կազմակերպության և ՄԱԿ-ի համատեղ կոմիտեն, հոկտեմբերի 19-ին հրապարակված զեկույցում 2017 թվականի ապրիլի 4-ին Խան Շեյխունի տարածքում Սարին գազի օգտագործման հարցում պատասխանատու է ճանաչել Սիրիայի կառավարությանը:
Սիրիայի ԱԳ նախարարությունը մերժելով Սիրիայի հյուիս-արևմտյան Իդլիբ նահանգի Խան Շեյխունի դեմ քիմիական հարձակման մասին Քիմիական սպառազինության արգելման կազմակերպության և ՄԱԿ-ի համատեղ կոմիտեի զեկույցը, հայտարարեց. «Նման զեկույցները նպատակ ունեն խստացնել Սիրիայի իշխանությունների դեմ ճնշումները»:
Ռուսաստանի ԱԳ նախարարությունը համատեղ կոմիտեի զեկույցի հրապարակումից հետո հայտարարել է, որ իր տրամադրության տակ ունի տեղեկություններ, որոնք ապացուցում են, թե ապրիլի 4-ին Խան Շեյխունում Սարին թունավոր գազ պարունակող ռումբը պայթեցրել են ահաբեկիչները:
