Եվրոհանձնաժողովի նախագահը կոչ է արել պայքարել անջատողականության դեմ
Եվրոհանձնաժողովի նախագահն ընդգծել է, որ Եվրոպան պետք է պայքարի անջատողականության դեմ:
«Ֆրանս Պրես»-ի հաղորդման համաձայն՝ Եվրոհանձնաժողովի նախագահ Ժան Կլոդ Յունկերը հինգշաբթի օրը Իսպանիայում ունեցած ելույթում ասել է. «Դեմ եմ անջատողականության ցանկացած տեսակին, որը կթուլացնի Եվրոպան ու կխորացնի ճեղքվածքները»:
Եվրոհանձնաժողովի նախագահի հայտարարությունը հնչում է այն պայմաններում, երբ Կատալոնիայի տարածքի պաշտոնազրկված նախագահ Կառլոս Փուչդեմոնը դեռ հույսով է, որ եվրոպական կառույցները կմիջամտեն Մադրիդի հետ այդ տարածքի հակամարտությանը:
2017 թվականի հոկտեմբերին Կատալոնիայի անկախությունը հռչակելուց հետո, Իսպանիայի կենտրոնական իշխանությունը լուծարեց այդ տարածքի տեղական խորհրդարանը և արտահերթ ընտրություններ նշանակեց դեկտեմբերի 21-ին:
Մադրիդը նաև հետախուզում հայտարարեց Փուչդեմոնի դեմ, սակայն վերջինս մեկնեց Բելգիա ու հանձնվեց այդ երկրի ոստիկանության ուժերին: