Մոգերինի. ԵՄ-ն Իրանին շրջափակման ենթարկելու ծրագիր չունի
ԵՄ արտաքին քաղաքականության պատասխանատուն հայտարարե է, որ միությունը բացառում է Իրանի դեմ նոր շրջափակումների գործադրման հավանականությունը:
Համաձայն «Մեհր» լրատվական գործակալության հաղորդման, Ֆեդերիկա Մոգերինին երկուշաբթի օրը Բրյուսելում ԵՄ ԱԳ նախարարների նստաշրջանի ավարտին պատասխանելով այն հարցին, թե արդյոք Իրանի շրջափակման ենթարկելու հարցում ԵՄ-ն հետևելու է ԱՄՆ-ին, ասել է. «ԵՄ-ն Իրանին շրջափակման ենթարկելու ծրագիր չունի»:
ԱՄՆ-ում Դոնալդ Թրամփի պաշտոնավարության շրջանը սկսվելուց հետո, Վաշինգտոնն առավել քան երբևէ, փորձում է հարված հասցնել ԻԻՀ-ին:
Թրամփի վարչակազմը ՀԳՀԾ-ն բարեփոխելու կամ հնարավորության դեպքում այն չեղարկելու նպատակը հետապնդելուց բացի, վերջին երկու ամիսներին տարբեր ու այդ թվում Իրանի հրթիռային ծրագրի պատրվակով, 7 նոր շրջափակում է գործադրել Իրանի դեմ և Իսլամական հեղափոխության պահակազորի հետ առնչություն ունեցող ավելի քան 70 անձանց ու կառույցների անուններ ներառել է շրջափակումների ցուցակում:
Իսկ հոկտեմբերի 13-ին, ԱՄՆ նախագահ Դոնալդ Թրամփն անտեսելով ՀԳՀԾ-ի հանդեպ Իրանի հավատարմությունը հաստատած ԱԷՄԳ-ի մինչ այդ հրապարակած ութ զեկույցները, հայտարարեց, որ չի հաստատելու ՀԳՀԾ-ի հանդեպ Իրանի հավատարմությունը:
