ԱՄՆ-ն ԻԼԻՊ-ի հազարավոր անդամների տեղափոխել է Եվրոպա
Ամերիկյան մի օրաթերթ երեքշաբթի օրը գրել է. «ԱՄՆ-ն ու սիրիական ընդդիմությունը ԻԼԻՊ-ի հազարավոր անդամների Սիրիայից տեղափոխել են Եվրոպա»:
ԻՌՆԱ-ի հաղորդման համաձայն, ամերիկյան «Բիզնես Ինսայդըր» օրաթերթը գրել է. «Իրաքում ու Սիրիայում ԻԼԻՊ-ի կրած պարտությունից հետո ԱՄՆ-ի ու սիրիական ընդդիմության պայմանավորվածության համաձայն, հազարավոր ահաբեկիչներ Թուրքիայի տարածքով Եվրոպա են փախել»:
«ԻԼԻՊ-ի անդամները Սիրիայի Ռաքքա քաղաքի ազատագրումից առաջ կաշառք վճարելով նախաձեռնել են դեպի Եվրոպա իրենց փախուստը»,-գրել է ամերիկյան օրաթերթը հավելելով, որ ահաբեկիչների փոխադրումը Եվրոպա իրականացվել է կաշառքի դիմաց:
Վերջին շուրջ 7 տարիների ընթացքում ԱՄՆ-ն «լավ» ու «վատ» խմբերի բաժանելով ահաբեկիչներին ու հովանավորելով այն ահաբեկիչներին, որոնց Վաշինգտոնն իր շահերի ու չափանիշների համաձայն «լավ» է բնութագրում, Սիրիայում ճգնաժամի ու բախումների սրման ուղղությամբ խոշոր դերակատարություն է ունեցել:
