Ժնեւի բանակցությունները կբերեն «Ասադից ազատ» Սիրիայի. Թիլերսոն
Ժնեւի բանակցությունները կարող են բերել «Բաշար Ասադից եւ նրա ընտանիքից ազատ» Սիրիայի ստեղծման:
Այդ մասին, ինչպես տեղեկացնում Է «Արմենպրես»-ը, հայտարարել Է ԱՄՆ-ի պետքարտուղար Ռեքս Թիլերսոնը: Նրա խոսքով՝ Վաշինգտոնի եւ Մուսկվայի տրամախաչվող շահերի ակներեւ օրինակը Սիրիան Է: Թիլերսոնն ասել Է, թե ԱՄՆ-ն ակնկալում Է, որ ՌԴ-ն կօժանդակի ՄԱԿի հովանու ներքո անցկացվող ժնեւյան գործընթացին: «Մենք համոզված ենք, որ այդ բանակցությունների իրագործումը կհանգեցնի այնպիսի Սիրիայի ստեղծման, որն ազատ Է Բաշար Ասադից ու նրա ընտանիքից», հայտարարել Է ԱՄՆ-ի պետքարտուղարը: Ժնեւում միջսիրիական բանակցությունների ութերորդ փուլը, որը շարունակվել Է ռեկորդային երեք շաբաթ, ավարտվել Է դեկտեմբերի 14-ին կողմերի փոխադարձ մեղադրանքներով: Ի հեճուկս մեծ ակնկալիքների, հանդիպումը տեսանելի արդյունքներ չի բերել, կառավարության եւ միացյալ ընդդիմության պատվիրակությունների միջեւ ուղղակի բանակցություններն այդպես Էլ չի հաջողվել սկսել, հաղորդել Է ՌԻԱ Նովոստին:
Armenpress.am
