Հռոմի Պապը զգուշացրել է երեխաների նկատմամբ սեռական ոտնձգության կապակցությամբ
Աշխարհի կաթոլիկների առաջնորդ Ֆրանցիսկոս Պապն ընդգծել է երեխաների նկատմամբ սեռական ոտնձգության դեմ լուրջ պայքարելու անհրաժեշտությունը:
Ինչպես հաղորդում է Associated Press- ը, աշխարհի կաթոլիկների առաջնորդ Ֆրանցիսկոս Պապը չորեքշաբթի օրը Լատինաամերիկյան երկրներ կատարած ուղևորությունից վերադառնալուց հետո Վատիկանում կայացած եկեղեցական արարողության ժամանակ զգուշացրել է երեխաների նկատմամբ սեռական ոտնձգության գործադրվելու կապակցությամբ:
Պապի Չիլի կատարած ուղևորության ընթացքում տեղի ունեցան ժողովրդական բողոքներ: Ցուցարարները բողոքում էին քահանաների կողմից երեխաների նկատմամբ սեռական ոտնձգություն իրականացնելու և անպատժելի մնալու դեմ:
Աշխարհի կաթոլիկների առաջնորդը բոլոր պաշտոնյաներին,պատասխանատուներին ու ժողովուրդներին կոչ է արել իրենց ամբողջ ջանքերն ի գործ դնել ՝ ցանկացած տեսակի բռնություն կանխելու համար:
