Լոնդոնում քաղաքացիները բողոքել են Եմենում Ալե Սաուդյան ռեժիմի ոճրագործությունների դեմ
Եմենում Սաուդյան Արաբիայի ոճրագործությունների դեմ բողոքող տասնյակ քաղաքացիներ հանրահավաք են կազմակերպել Բրիտանիայի մայրաքաղաք Լոնդոնում գտնվող Արաբիայի դեսպանության շենքի առջև:
Ինչպես հաղորդում է ԻՌՆԱ լրատվական գործակալությունը, տասնյակ բրիտանացի ցուցարարներ հանրահավաքի ժամանակ պահանջել են անհապաղ վերջ դնել Ռիադի հետ Լոնդոնի զենքի վաճառքի գործարքին:
Մարդու իրավունքների պաշտպան կառույցների հովանավորությամբ և Բրիտանիայի զենքի առևտրի դեմ պայքարող ակտիվիստների կողմից կազմակերպված բողոքի ակցիայի ընթացքում մասնակիցներն իրենց ձեռքում պաստառներ էին կրում, որոնց վրա գրված էր. «Դադարեցրե՛ք պատերազմը» և «Դադարեցրե՛ք Արաբիային զենքի վաճառքը» կարգախոսները:
Բրիտանիան ներկայումս աշխարհի մասշտաբով զենք վաճառող երկրորդ խոշոր երկիրն է: 2010 թվականից ի վեր Լոնդոնի կողմից վաճառված սպառազինության երկու երրորդը ուղարկվել է միջինարևելյան տարածաշրջանի երկրներ, այդ թվում Սաուդյան Արաբիա:
Հրապարակված հաղորդումների համաձայն՝ 2015 թվականին Եմենի վրա Սաուդյան Արաբիայի հարձակումներն սկսվելուց ի վեր Բրիտանիան Արաբիային մոտ 4 միլիարդ ֆունտ ստերլինգ արժողությամբ զենք վաճառելու լիցենզիա է տրամադրել:
