Բրիտանիայի քաղաքացիները դեմ են սաուդցի գահաժառանգի այցելությանը Լոնդոն
Բրիտանացիներն, անդրադառնալով Եմենի իրավազուրկ ժողովրդի դեմ Սաուդյան ռեժիմի ոճրագործություններին, պահանջել են չեղարկել սաուդցի գահաժառանգի այցելությունը Լոնդոն:
Մուհամմեդ Բեն Սալմանի Լոնդոն այցելության ընդդիմադիրները վարչապետ Թերեզա Մեյից պահանջել են չեղարկել հրավերը:
Սաուդցի գահաժառանգի բրիտանացի ընդդիմադիրները ստորագրահավաք են կազմակերպել, որտեղ նշել են, որ Սաուդյան Արաբիան ամենավատ անցյալն ունի մարդու իրավունքների ոլորտում:
Ստորագրած փաստաթղթում բրիտանացիներն անդրադարձել են Եմենում այդ ռեժիմի ոճրագործություններին և անմեղ կանանց ու երեխաների սպանությանը, նշելով, որ ռմբակոծությունները ղեկավարվել են սաուդցի գահաժառանգի կողմից, որոնց հետևանքով զոհվել ու վիրավորվել են տասնյակ հազարավոր մարդիկ, տարածվել է սով ու հումանիտար ճգնաժամ:
Բրիտանացի բողոքարարները նաև դատապարտել են Սաուդյան Արաբիային սպառազինություն վաճառելու Լոնդոնի քայլը:
Ստորագրահավաքին մասնակցել են ավելի քան 11 հազար բրիտանացիներ։ Բրիտանիայի Սահմանադրության համաձայն, եթե ավելի քան 100 հազար ստորագրություն ունենա, ապա խորհրդարանը պարտավոր է օրակարգ մտցնել տվյալ խնդիրը։
