Բրիտանիայի ժողովուրդը դժգոհ է Լոնդոն-Ռիադ համաձայնությունից
Բրիտանիայի քաղաքական գործիչներն ու ժողովուրդը դժգոհ են Արաբիայի և այդ երկրի կառավարության միջև ձեռք բերված առևտրային համաձայնագրից:
«Գարդիան» թերթի ինտերնետային կայքի փոխանցմամբ՝ Բրիտանիայի կառավարության Միջազգային զարգացման հարցերով նախարար Քեյթ Օսամուրն ասել է.«Թերեզա Մեյի կառավարությունը Ռիադի հետ առևտրային պայմանագիր կնքելով համագործակցում է այնպիսի մի երկրի հետ, որը աշխարհում տիրող մարդու իրավունքների մեծագույն ճգնաժամի պատասխանատուն է»:
Որոշ բրիտանացիներ լրատվամիջոցներին տված հարցազրույցում ամոթալի են համարել այդ վիճահարույց համաձայնությունը և այն որակել են որպես «ազգային խայտառակություն»:
Բրիտանիայի կառավարությունը Արաբիայի գահաժառանգ արքայազն Մոհամմադ Բեն Սալմանի Լոնդոն կատարած այցի ընթացքում այդ երկրի հետ համագործակցության փաստաթղթեր է ստորագրել: Մոհամմադ Բեն Սալմանի Բրիտանիա կատարած այցի դեմ ժողովրդական բողոքի ակցիաներ տեղի ունեցան:
Արաբիան և Բրիտանիան ուրբաթ օրը փոխըմբռնման հուշագիր են ստորագրել, որի համաձայն՝ Ռիադը 48 Eurofighter Typhoon («Եվրոֆայթեր Թայֆուն») կործանիչներ է գնելու Լոնդոնից:
