ՄԱԿ-ի գլխավոր քարտուղարը` Բաշար Ասադի ապագայի մասին

ՄԱԿ-ի գլխավոր քարտուղար Պան Գի Մունը հայտարարել է, որ Սիրիայի նախագահ Բաշար Ասադի ապագան հստակորեն քաղաքական գործընթացի շրջանակներում պետք է որոշի հենց Սիրիայի ժողովուրդը: Գրում է Russian.rt.com-ը:

Ընդ որում ՄԱԿ-ի գլխավոր քարտուղարի կարծիքով` սիրիացի առաջնորդի ապագայի հարցը ամենաբարդերից մեկն է: «Մենք պետք է շարունակենք քաղաքական երկխոսությունը Սիրիայի կուսակցությունների հետ: Եթե դրա հետ մեկտեղ մենք կախվածություն ունենանք ընդամենը մեկ անձի ապագայից, ապա դա կխոչընդոտի ամբողջ գործընթացին: Նախագահ Ասադի ապագան պետք է որոշի ժողովուդը` քաղաքական գործընթացի շրջանակներում», - РИА Новости լրատվական գործակալությունը մեջբերում է ՄԱԿ-ի գլխավոր քարտուղարի խոսքերը: Պան Գի Մունը կարծիք է հայտնել, որ Ժնևի բանակցությունների բոլոր մասնակիցները պետք է մոռանան կուսակցական շահերի մասին և դրա փոխարեն մտածեն երկրի և մարդկանց մասին:

ankakh.com

18/3/2016