Ավստրիան պահանջել է դադարեցնել ԵՄ կազմում Թուրքիայի անդամակցության վերաբերյալ բանակցությունները
Ավստրիայի կանցլերը Թուրքիային մեղադրել է մարդու իրավունքները ոտնահարելու մեջ և պահանջել է դադարեցնել ԵՄ-ում այդ երկրի անդամակցության վերաբերյալ բանակցությունները:
Գերմանական Die Welt օրաթերթին տված հարցազրույցում Սեբաստիան Կուրցն ասել է.«Հաշվի առնելով Թուրքիայում ժողովրդավարության նորմերի և մարդու իրավունքների շարունակական ոտնահարումները, պետք է դադարեցնել եվրոպացիների և թուրքերի միջև ԵՄ անդամակցության վերաբերյալ բանակցությունները»:
Գերմանիայի կանցլերն ավելացրել է. «Թուրքիան Եվրամիության կարևոր գործընկերն է, հետևաբար Բրյուսելի ու Անկարայի միջև հարաբերությունները պետք է ընդլայնել բարիդրացիական քաղաքականության սկզբունքով»:
Ավելի վաղ Եվրահանձնաժողովի նախագահ Ժան-Կլոդ Յունկերը հայտարարել էր. «Թուրքիան սեփական քայլերի պատճառով հեռացել է Եվրամիությունից»:
1997 թվականից ի վեր Թուրքիան փորձում է մտնել ԵՄ կազմ: 2005 թ.-ին Եվրամիությունը և Թուրքիան սկսել են այդ ուղղությամբ բանակցությունները, սակայն զգալի դեռևս տարաձայնություններ կան:
