Ֆրանսիան անուշադրություն է ցուցաբերում Եմենում իրականացվող ոճրագործությունների նկատմամբ
Ֆրանսիայի ԱԳ նախարարությունը հրաժարվել է դատապարտել Եմենում Սաուդյան կոալիցիայի կողմից իրականացվող ոճրագործությունները: Այս մասին հաղորդել է ԻՌՆԱ լրատվական գործակալությունը:
Արձագանքելով Եմենում Սաուդյան կոալիցիայի կողմից հարսանեական շքերթի վրա իրականացված օդային հարձակմանը, Ֆրանսիայի ԱԳ նախարարությունը չորեքշաբթի օրը հրապարակել է հաղորդագրություն, որում միայն ցավ է հայտնել:
Հաղորդագրության մեջ ասված է.«Քաղաքական լուծումը Եմենում տիրող անվտանգության ու հումանիտար ճգնաժամին վերջ տալու միակ ելքն է»:
Բրիտանիայի կառավարությունը ևս հայտարարել է, որ ցավակցում է Եմենում հարսանեկան շքերթի վրա իրականացված հարձակման հետևանքով զոհվածների հարազատներին:
«Բժիշկներ առանց սահմանների» կազմակերպությունը հրապարակել է հաղորդագրություն,որում դատապարտել է սաուդյան կոալիցիայի այդ քայլը:
Կիրակի օրը Հաջա նահանգի Ալ-Ռաղա գյուղում սաուդյան կործանիչները հարձակվել են հարսանեկան շքերթի վրա: Զոհվել են 60 և վիրավորվել տասնյակ խաղաղ քաղաքացիներ:
