ՀԳՀԾ-ի պահպանումը Եվրոպայի համար անվտանգության հարց է. Մոգերինի
ԵՄ արտաքին քաղաքականության պատասխանատուն նշել է, որ ՀԳՀԾ-ի պահպանումը Եվրոպայի համար կարևոր է անվտանգության տեսակետից:
Համաձայն «Ֆարս» լրատվական գործակալության հաղորդման, ԵՄ արտաքին քաղաքականության պատասխանատու Ֆեդերիկա Մոգերինին երկուշաբթի օրը Բրյուսելում գումարված ԵՄ ԱԳ նախարարների նիստի ավարտին ասել է. «ԵՄ-ն այս պահին զբաղված է ՀԳՀԾ-ի պահպանման նպատակով Իրանին տնտեսական խրախուսիչներ առաջարկելու հարցի քննարկմամբ»:
«ՀԳՀԾ-ի պահպանումը ԵՄ-ի համար միայն տնտեսական հարցերով չի սահմանափակվում, այլ անվտանգության թեմա է»,-հավելել է ԵՄ արտաքին քաղաքականության պատասխանատուն:
Մոգերինին երկուշաբթի օրը գումարված ԵՄ ԱԳ նախարարների նիստի և նրանց առաջարկների մասին ընդգծել է. «ԵՄ անդամ որոշ երկրներ Իրանի հետ առևտրական հարաբերությունների պահպանման կապակցությամբ հստակ տեսակետներ են ներկայացրել»: