Հելսինկիում մեկնարկել է Պուտին-Թրամփ հանդիպումը
Ֆինլանդիայի մայրաքաղաք Հելսինկիում մեկնարկել է Ռուսաստանի Դաշնության և Միացյալ Նահանգների նախագահների հանդիպումը, որի ժամանակ երկու պետությունների ղեկավարները ընդգծել են տարբեր հարցերի ոլորտում համագործակցության անհրաժեշտությունը:
Ինչպես հաղորդում է ԻՌՆԱ լրատվական գործակալությունը, այդ հանդիպման ժամանակ ՌԴ նախագահ Վլադիմիր Պուտինն ասել է.«Եկել է երկկողմ հարաբերությունները և համաշխարհային հարցերն ավելի մանրամասնորեն քննարկելու ժամանակը»:
Դոնալդ Թրամփը խոսելով վերջին տարիներին Մոսկվա-Վաշինգտոն հարաբերությունների մասին ասել է.«Աշխարհը հետևում է մեր դեմ առ դեմ հանդիպմանը, այդ իսկ պատճառով պետք է ավելի լավ հարաբերություններ ունենանք միմյանց հետ»:
ԱՄՆ նախագահը հավելել է, որ կցանկանար Պուտինի հետ քննարկել ռազմական, առևտրային, միջուկային սպառազինության ոլորտներին և Չինաստանին առնչվող հարցերը:
«Մեր երկրները հարաբերությունների կարգավորման համար մեծ հնարավորություններ ունեն, մենք հուսով ենք, որ լավ ու բացառիկ հարաբերություններ կհաստատվեն ԱՄՆ-ի և Ռուսաստանի միջև»․ ասել է Դոնալդ Թրամփը:
Թրամփը և Պուտինն այդ հայտարարություններից հետո երկկողմ հանդիպումն անցկացնում են մեկ այլ դահլիճում՝ փակ դռների հետևում: