Օլբրայթը քննադատել է Թրամփ-Պուտին հանդիպումը
Միացյալ Նահանգների նախկին պետքարտուղար Մադլեն Օլբրայթը քննադատել է Ֆինլանդիայի մայրաքաղաք Հելսինկիում Ռուսաստանի Դաշնության նախագահ Վլադիմիր Պուտինին հանդիպելու Դոնալդ Թրամփի նախաձեռնությունը:
Միացյալ Նահանգների նախկին պետքարտուղար Մադլեն Օլբրայթը MSNBC հեռուստաալիքին տված հարցազրույցում հայտարարել է.«Դոնալդ Թրամփը որպես ԱՄՆ-ի հանրապետության նախագահն իրազեկ չէ իր պարտականությունների մասին»:
Մտահոգություն հայտնելով ԱՄՆ-ի և ՌԴ-ի նախագահների մասնավոր երկխոսության բովանդակության վերաբերյալ Օլբրայթը հավելել է.«Չգիտեմ Թրամփը Հելսինկիում ինչ խոստումներ է տվել ՌԴ նախագահ Վլադիմիր Պուտինին և ինչ չասված խոսքեր է ասել նրան, քանի որ Պուտինը շատ ուշիմ է և հանդիպումների ժամանակ գրառում է կատարում»:
ԱՄՆ նախկին պետքարտուղարը Կոնգրեսին կոչ է արել Թրամփից բացատրություն պահանջել իր վարած քաղաքականությունների համար:
Երեքշաբթի օրը կայացած մամուլի ասուլիսում Թրամփի վարքագիծը ոչ-ամերիկյան ու զավեշտալի որակելով Օլբրայթն ասել է.«Նույնիսկ հնարավոր չէ համապատասխան ածականներ հիշել Թրամփի այդ վերաբերմունքի համար»: