Լավրով.«ՄԱԿ-ն իր կառույցներին արգելել է մասնակցել Սիրիայի վերականգնման գործին»
ՌԴ ԱԳ նախարարը բացահայտել է, որ Միավորված ազգերի կազմակերպությունը գաղտնի կերպով իր կառույցներին արգելել է մասնակցել Սիրիայի տնտեսության վերականգնման գործին»:
Ինչպես հաղորդում է «Սպուտնիկ» լրատվական գործակալությունը, Ռուսաստանի ԱԳ նախարար Սերգեյ Լավրովը երկուշաբթի օրը հայտարարել է,որ ՄԱԿ-ի քաղաքական հարցերով զբաղվող բաժինը 2017 թվականի վերջերին գաղտնի կարգադրություն է հրապարակել, որում այդ կազմակերպությանը կից կառույցներին արգելել է մասնակցել Սիրիայի վերականգնման գործին:
Մոսկվայում Լիբանանի ԱԳ նախարար Ջեբրան Բասիլի հետ համատեղ մամլո ասուլիսի ժամանակ Լավրովը Ռուսաստանի պատրաստակամությունն է հայտնել սիրիացի փախստականներին իրենց երկիր վերադարձնելու գործընթացին օգնելու համար:
Լավրովն ի դեպ հստակեցրել է.«ԱՄՆ-ն ավերիչ դերակատարություն ու դիրքորոշում ունի սիրիացի փախստականներին իրենց երկիր վերադարձնելու հարցում»:
Լավրովի խոսքով անցած ամիս 7 հազար սիրիացի փախստականներ Լիբանանից վերադարձել են իրենց երկիր:
