ՌԴ ՊՆ-ն Իլ-20-ի կործանման համար մեղադրել է Իսրայելին
Ռուսաստանի Դաշնության պաշտպանության նախարարությունը Սիրիայի Լաթաքիայի օդային տարածքում ռուսական Իլ-20 հետախուզական ինքնաթիռի կործանման համար մեղավոր է համարում Իսրայելի զինված օդուժին:
Sputnik լրատվական գործակալությանհաղորդման համաձայն, ՌԴ ՊՆ պաշտոնական ներկայացուցիչ Իգոր Կոնաշենկովն ասել է.-«Իլ-20-ի կործանման օրն իսրայելական օդուժը մոլորության մեջ է գցել ռուսական կողմին՝ նախապես տեղեկացնելով, որ իրենք պատրաստվում են մի քանի թիրախ խոցել Սիրիայի հյուսիսում: Հետևաբար ռուսական Իլ-20 հետախուզական ինքնաթիռի կործանման համար Ռուսաստանը մեղավոր է համարում Իսրայելին»:
«Իսրայելական ավիացիայի հարվածները հասցվել են ոչ թե հյուսիսային, այլ արևմտյան Լաթաքիայի հատվածում»,-ասել է նա:
ՌԴ ՊՆ ներկայացուցիչն հստակեցրել է, որ F-16 կործանիչների իսրայելցի օդաչուները միտումնավոր են սիրիական զենիթային հրթիռներից թաքնվել ռուսական Իլ-20-ի հետևում:
Կոնաշենկովն ընդգծել է, որ ստեղծված իրավիճակում իսրայելցի օդաչուները չէին կարող չգիտակցել, որ սիրիացիների արձակած զենիթային հրթիռի թիրախում ավելի շուտ կհայտնվի Իլ-20-ը:
